ՀՀ ԳՆ սննդամթերքի անվտանգության պետական ծառայությունը վերահսկողության շրջանակներում կասեցրել է հաց արտադրող եւս յոթ տնտեսվարողի արտադրական գործունեությունը:
Պետական վերահսկողության շրջանակներում Ա/Ձ Արմեն Էլազյանի (Երեւան), Ա/Ձ Ալվարդ Բախշյանի (Արմավիր), Ա/Ձ Պավլիկ Մանուկյանի (Արմավիր), Ա/Ձ Նվեր Շահինյանի (Երեւան), Ա/Ձ Հայկ Տեր-Խաչատրյանի (Արմավիր), Ա/Ձ Շուշան Ավետիսյանի (Վայոց Ձոր) եւ Ա/Ձ Սուսաննա Հարությունյանի (Արմավիր) արտադրամասերում արձանագրվել են ինչպես սննդամթերքի արտադրությանը ներկայացվող սանիտարահիգիենիկ պահանջների կոպիտ խախտումներ, այնպես էլ՝ համապատասխանության գնահատմանը ներկայացվող պահանջների անհամապատասխանություններ, նաեւ որոշ արտադրողներ հացը վաճառել են առանց տեղեկատվական թերթիկների: Գրանցվել են պարտադիր եւ պարբերական բժշկական զննության կարգի խախտման դեպքեր:
Տնտեսվարողներին հանձնարարվել է արտադրությունները համապատասխանեցնել Սննդամթերքի հիգիենային ներկայացվող պահանջների տեխնիկական կանոնակարգի եւ «Սննդամթերքի անվտանգության մասին» ՀՀ օրենքի պահանջներին, որից հետո միայն կթույլատրվի նրանց վերսկսել գործունեությունը:
Ա/Ձ Հայկ Տեր-Խաչատրյան
Ա/Ձ Պավլիկ Մանուկյան
Ա/Ձ Արմեն Էլազյան
Ա/Ձ Շուշան Ավետիսյան
Ա/Ձ Սուսաննա Հարությունյան
Ա/Ձ Ալվարդ Բախշյան
.gif)
