ՏԵՍԱՆՅՈՒԹ. Գյուղապետերից ստացեք. նայեք, որ նկարչություն չլինի. վարչապետի կոշտ հանձնարարականը

ՏԵՍԱՆՅՈՒԹ. Գյուղապետերից ստացեք. նայեք, որ նկարչություն չլինի. վարչապետի կոշտ հանձնարարականը

Կառավարության այսօրվա նիստում վարչապետ Կարեն Կարապետյանն անդրադարձավ նաև գյուղացիներին արտոնյալ պայմաններով տրամադրվող պարարտանյութերի և սերմերի դիմաց պարտքերի հավաքագրման խնդրին: Վարչապետը հիշեցրեց, որ դեռևս մայիսին էր հանձնարարել կազմել այն գյուղացիների ցանկը, ովքեր դեռևս պարտքեր ունեն:
Իսկ Գյուղատնտեսության նախարար Իգնատի Առաքելյանը դժգոհեց, որ դիմել են Տարածքային կառավարման ու զարգացման նախարարություն և մարզպետարաններ, որպեսզի հասցեատերերերի ցուցակներ ստանան:

Կարեն Կարապետյանը մարզպետներին հորդորեց մեկ ամսվա ընթացքում կազմել պարտապանների վերջնական ցուցակները և ներկայացնել տարածքային կառավարման ու զարգացման նախարարություն, որպեսզի մեկ ամսվա ընթացքում ամփոփվեն:

«Նախկին պրակտիկայի մեջ դեպքեր են եղել, որ ֆիկտիվ հասցեատերեր են եղել»,- նշեց նա, իսկ Լոքյանն արդարացավ, որ կան գյուղապետեր, ովքեր չեն բաշխել այդ սերմերն ու պարարտանյութերը: «Գյուղապետերից ստացեք, գյուղացուց մի ստացեք, գյուղապետերից ստացեք, եթե հասցեատիրոջը չի հասել, ինչո՞ւմն է խնդիրը: Եվ նայեք, որպեսզի նկարչություն չլինի»,- ասաց Կարեն Կարապետյանը: