ՏԵՍԱՆՅՈՒԹ. Ականատեսը պատմում է, թե ինչպես է սպանվել Արտյոմ Կանևսկոյի ընկերը

ՀԵՏԵՎԵՔ ՄԵԶ Telegram-ՈՒՄ

Մայիսի 24-ին ՀՀ ոստիկանությունը Էջմիածնում վնասազերծեց քրեական հեղինակություն Արթուր Ասատրյանի` Դոն Պիպոյի սպանությունը նախապատրաստելու համար նրա առանձնատան մոտ բնակարան վարձած խմբին:

Ընդ որում, այդ խմբի թաքուն նպատակների մասին պարզել էր հենց Դոն Պիպոն եւ պահելով պետական համակարգի հետ հարաբերությունների սուբորդինացիան, խմբին այսպեսասած հանձնեց իրավապահներին:

Այդ ընթացքում միայն մի քանի լրատվամիջոցներ կարողացան իրենց խողովակներով կցկտուր տեղեկություններ հրապարակել, որ 3.5 ամսվա ընթացքում սիմվոլիկ հարցաքննություններ են իրականացվում այդ գործով, քանի որ հիմնական կասկածյալ պատվիրատուն` ի դեմս քրեական հեղինակություն Արտյոմ Հարությունյանի, իրավապահները չեն կարողանում բերել հարցաքննության:

Մինչդեռ իրավապահները սկսել են արդարանալ, թե Հարությունյանը 2 անգամ հրավիրվել է հարցաքննության եւ ցուցմունք տվել:

Նշենք, որ սպանությունից հետո առաջին վարկածը, որ առաջ քաշվեց այն է, որ սպանվածները կապ ունեն դեռեւս ամիսներ առաջ քրեական հեղինակություն Արթուր Ասատրյանի` Դոն Պիպոյի, սպանության նախապատրաստման փորձի հետ:

ArmLur.am լրատվականի նկարահանող խումբը եղավ դեպքի վայրում, որտեղ ականատեսները ուշագրավ մանրամասներ պատմեցին:

Ըստ ականատեսների` ենթադրյալ հանցագործները Արտյոմ Հարությունյանի՝ Արտյոմ Կանեւսկոյի մտերիմներին` Կարենին ու նրա վարորդին, թիրախավորել են երկու ուղղությամբ: Ու երբ վերջիններս հասել են Անդրանիկի փողոց` նրանց մեքենայի ուղղությամբ կրակահերթ է բացվել:

Մանրամասները` ArmLur.am-ի բացառիկ ռեպորտաժում:

Թամարա Միքայելյան, Քնար Մանուկյան




Լրահոս