ՖՈՏՈ. ՎԻԴԵՈ. Բոլոր ժամանակների ամենաշքեղ հայկական հարսանիքները

armeniasputnik.am-ն առանձնացրել է բոլոր ժամանակների հայ հայտնիների ամենատպավորիչ հարսանիքները:

Լրատվամիջոցը, մասնավորապես, գրում է, որ հարսանիքը հայերի համար ամենակարևորիրադարձություններից մեկն է: Ավանդույթի համաձայն` հարսանիքին երկար ժամանակ են նախապատրաստվում` ուշադրություն դարձնելով ցանկացած մանրուքի:

Ինչ վերաբերում է հայտնիներին, ապա նրանք բացարձակապես չեն սահմանափակվում ծախսերի առումով:

Շատ հայ հայտնիներ պատրաստ են ամեն ինչի, միայն թե իրենց հարսանիքը լինի ամենաշատ քննարկվածը:

Sputnik Армения-ն ներկայացնում է հայ հայտնիների հարսանեկան հիթ-շքերթները:

Գասպար Ավդոլյան և Լոլիտա Օսմանովա

Գործարար Ալբերտ Ավդոլյանի ընտրյալը ոչ պակաս հայտնի ռուս գործարար Էլդար Օսմանովի դուստրն է` Լոլիտան: Նրանց հարսանեկան արարողությունը Forbes-ի վարկանիշային աղյուսակում 123-րդն է:

Ոչ ոք չի էլ կասկածել, որ հարսանիքը կվերածվի հեքիաթի: Արարողության վարողը եղել է Կսենիա Սոբչակը, իսկ ուրախ տրամադրությունն ապահովել էին Նիկոլայ Բասկովը, Ստաս Միխայլովը և Լեդի Գագան:

Ջեք Քեշիշյան և Ժակլին Սամվելյան

Այս զույգը ևս մեծ խնջույք էր կազմակերպել ի լուր ամբողջ աշխարհի: Այն բանից հետո, երբ Ջեկը որոշեց կյանքը կապել Ժակլինի հետ, միանգամից պարզ դարձավ` հայ արքայազների թիվը մեկով պակասեց: Հարսանեկան արարողությունը զույգը կազմակերպել էր Լոս-Անջելեսի ժամանացի կենտրոններից մեկում` Taglyan Cultural Complex-ում:

Հարսանեկան լուսանկարներում զույգի գլխավերևում դոլարներ են «թռչում»: Նորապսակների ուրախությունը կիսելու էր եկել ողջ Լոս-Անջելեսը` թանկարժեք նվերներով: Ասում են, թե նրանց պարի ժամանակ 100 հազար դոլար է պտտվել օդում:

Գոհար Ավետիսյան և Վահիկ Մարտիրոսյան

Նորաձևության թագուհի ազգությամբ հայ Գոհար Ավետիսյանն ամուսնացել է նախորդ տարի: Նրա ընտրյալը գործարար Վահիկ Մարտիրոսյանն է: Ամուսնական արարողությունը տեղի է ունեցել Երևանում` հայկական ավանդույթներին համապատասխան:

Դիմահարդարն ու գործարարը հիացրել են համացանցի օգտատերերին հանդիսությունների սրահով, մեծ թխվածքով, ուտեստների տեսականիով, լուսային տարբեր ձևավորումներով, հրավառությամբ և ոչ միայն:

Սիրուշո և Լևոն Քոչարյան

Ամենահայտնի երգչուհիներից մեկը ամուսնացել է ՀՀ երկրորդ նախագահ Ռոբերտ Քոչարյանի կրտսեր որդու` Լևոնի հետ:

Այդ օրը երգչուհու տան մոտ հավաքվել են բազմաթիվ երկրպագուներ` հույս ունենալով գոնե հեռվից տեսնել հարսին և փեսային: Սիրուշոյի` դուրս գալուն պես, Լևոնն իսկույն նրան մեքենայի մոտ է ուղեկցել: Նրանք ուղևորվել են Էջմիածնի Սուրբ Գայանե եկեղեցի, որտեղ էլ տեղի է ունեցել պսակադրության արարողությունը:

Գրեթե բոլոր լուսանկարներում կարելի է տեսնել այդ ժամանակվա նախագահ Ռոբերտ Քոչարյանին, առաջին տիկին Բելլա Քոչարյանին, ինչպես նաև մեծ թվով պաշտոնյաների և հայտնի մարդկանց: Ներկա է եղել նաև ներկայիս նախագահ Սերժ Սարգսյանը, Թաթա Սիմոնյանը, Հայկոն, Արսեն Սաֆարյանը, Զարուհի Բաբայանը, Արման Հովհաննիսյանը, Ալլա Լևոնյանը, Ռազմիկ Ամյանը:

«Եվրատեսիլ-2008»-ի մասնակից Սիրուշոյի հարսանեկան արարողությունը տեղի է ունեցել Գագիկ Ծառուկյանին պատկանող ռեստորանային-համալիրներից մեկում: Ներկաների խոսքով` Գագիկ Ծառուկյանը այդ օրը շատ ուրախ է եղել:

Արմեն և Դիանա Ղուլյաններ

Անապայում կայացել է հերթական հայկական շքեղ հարսանիքը: Չնայած կարծիքին, որ շքեղ հարսանիքները կայանում են միայն Մոսկվայում, այս զույգը կոտրեց բոլոր կարծրատիպերը:

Հյուրերի ցանկում եղել են ֆիլիպ Կիրկորովը, Անի Լորակը, Անդրեյ Մալախովը, Լերա Կուդրյավցեվան և Ալեքսեյ Գլիզինը:

Միհրան Հարությունյան և Մակտինա Բեբիյա

Օլիմպիական չեմպիոն Միհրան Հարությունյանի և աբխազ երգչուհի Մակտինա Բեբիյայի հարսանեկան արարողությունը տեղի է ունեցել Մոսկվայում:

Այն կայացել է Ռուսաստանի մայրաքաղաքի շքեղ հանդիսությունների սրահներից մեկում և բավականին թանկ է արժեցել:

Հյուրերի ցանկում են եղել Արթուր Ալեքսանյանը, Արամեն, Կամո Սեյրանյանը:

Դավիթ և Արմինե Գալուստյաններ

Հայտնի հայ շոումեն Միխայիլ Գալուստյանի եղբայրը` Դավիթը, ամուսնացել է իր ընտրյալի` Արմինեի հետ: Հարսանեկան արարողությունը կայացել է Սոչիի «Պիրոսմանի» սրահում: