Վարչապետի խորհրդականը հարուստ է, բայց տուն չունի

Վարչապետի խորհրդականը հարուստ է, բայց տուն չունի

ՀՀ վարչապետի խորհրդական Մհեր Տերտերյանը, ըստ պաշտոնական հայտարարագրի, տուն չունի, բայց բավական հարուստ է. ունի մեկ հատ «Lexus LX 570» մակնիշի ավտոմեքենա, որը վարելիս հաճախ է սիրում Ֆեյսբուք ուղիղ եթեր մտնել կամ սելֆիներ տեղադրել:

Խորհրդականի դրամական միջոցները կազմում են 6 հազար 294 դոլար, 20 եվրո, 5 մլն 963 հազար դրամ եւ 5.5 մլն ղազախական տենգե: Բացի այս՝ պարզվում է, որ Տերտերյանը երեք ընկերություններում ունի 21 մլն 810 հազար ղազախական տենգեի բաժնեմաս: Իսկ փոխառությունները պաշտոնը ստանձնելու օրվա դրությամբ կազմել են 145 մլն դրամ եւ 57 մլն ղազախական տենգե: Խորհրդականի աշխատավարձը պաշտոնը ստանձնելու օրվա դրությամբ կազմել է ավելի քան 500 հազար ղազախական տենգե:

Իսկ որպես եկամուտ հայտարարագրել է տրված փոխառություններից ստացած 5 մլն 661 հազար դրամը եւ 824 հազար 366 ղազախական տենգեն: