ՏԵՍԱՆՅՈՒԹ. Հոնկոնգում մետրոյի ուղևորը կնոջ է գցել ռելսերի վրա

Հոնկոնգի ոստիկանությունը ձերբակալել է մի տղամարդու, ով մետրոյում հրել է հավաքարարին ու գցել ռելսերի վրա։ Ինչպես հայտնում է South China Morning Post-ը, կնոջը հոսպիտալացրել են ծնոտի վնասվածքով։

Միջադեպը տեղի է ունեցել հոկտեմբերի 21-ի առավոտյան: Մետրոյի կայարանի 59-ամյա աշխատակցուհին կանգնել է հարթակի եզրին և ձեռքով արել ռելսերի մյուս կողմում գտնվող մեկ այլ աշխատակցուհու: Այդ պահին նրա հետևից քայլող տղամարդն առանց պատճառի կնոջ կողքով անցնելիս հրել է նրան և հանգիստ շարունակել ճանապարհը: