Ինչպիսի՞ կանայք են իրականում գերում տղամարդկանց. արժի՞ ժամանակ վատնել գեղեցկության սրահներում

Ինչպիսի՞ կանայք են իրականում գերում տղամարդկանց. արժի՞ ժամանակ վատնել գեղեցկության սրահներում

Բոլոր ժամանակներում գեղեցիկ սեռին միշտ հետաքրքրել է, թե ինչպիսի՞ միջոցներով կարելի է գրավել տղամարդու սիրտը և միտքը: Հենց դրա հետևանքով էլ ի հայտ են եկել գեղեցկության սրահները, թանկարժեք օծանելիքները և կոսմետիկական միջոցները: Իսկ կանանց ո՞ր արժանիքներն են գրավում ժամանակակից տղամարդկանց:

1. Շփվելու ունակություն: Տղամարդկանց, առաջին հերթին, դուր են գալիս շփվող և բարեհամբույր կանայք, ովքեր կարող են խոսել իրենց աշխատանքի, մտերիմների, հոբբիների և այլ հետաքրքրությունների մասին: Սակայն պետք չէ նրանց մոտ անկեղծանալ «նախկինների» մասին պատմություններով, պետք չէ խոսել սեփական անհաջողությունների կամ թերությունների մասին: Առանց վատ զգալու՝ կարող եք ներկայացնել Ձեր դրական կողմերը:

2. Խուսափել կեղծիքից: Տղամարդկանց դուր են գալիս այն կանայք, ովքեր ունեն բնական պահվածք և ներկայացնում են իրենց այնպիսին, ինչպիսին կան իրականում: Պետք չէ զուգընկերոջ հետ շփման ընթացքում այս կամ այն դիմակով ներկայանալ` հույս ունենալով նման կերպ մեծ տպավորություն թողնել: Կեղծիքին հաջորդում է վստահության կորուստը:

3. Կրթվածություն և լավ շարժուձև: Ժամանակակից տղամարդկանց դուր են գալիս այն կանայք, ովքեր կրթված են և ունեն լավ շարժուձև: Պետք է ուշադրություն դարձնել բառապաշարին և էթիկետին:

4. Հաճոյախոսություններ: Սխալվում են բոլոր նրանք, ովքեր կարծում են, թե հաճոյախոսությունները միայն կանանց համար են: Տղամարդկանց շատ է դուր գալիս տարբեր հանգամանքներում լսել հաճոյախոսություններ իրենց հասցեին: Նրանց հատկապես հուզում են իրենց արտաքինի մասին հաճոյախոսությունները:

5. Բարձր տրամադրություն և ժպիտ: Տղամարդկանց մագնիսի նման «ձգում են» ժպտերես, ուրախ և հումորի զգացումով կանայք: Չէ ՞ որ հենց անկեղծ ժպիտի շնորհիվ է արտացոլվում Ձեր գեղեցիկ ներքին աշխարհը, որն էլ դառնում է Ձեր հմայքի գրավականը: Եթե շարունակեք քայլել նույն «մառախլապատ» դեմքով և դժգոհեք կյանքից, ապա դժվար թե երկրպագուների հոծ բանակ գոյանա:

6. Նպատակասլաց և ինքնուրույն կանայք: Այն կանայք, ովքեր գիտեն, թե ինչ են ցանկանում այս կյանքից, համարձակորեն առաջ են գնում իրենց ծրագրերն իրականացնելու համար, շատ ավելի են հետաքրքրում և հարգանք առաջացնում տղամարդկանց մոտ, քան նրանք, որ իրենք էլ չգիտեն ինչով զբաղվել: