ՖՈՏՈ. «Ժողովուրդ» օրաթերթի և ArmLur.am-ի խմբագրակազմի ամանորյա շնորհավորանքը

«Ժողովուրդ» օրաթերթի և ArmLur.am-ի խմբագրակազմը շնորհավորում է բոլորի Ամանորն ու Սուրբ Ծնունդը և մաղթում հաջողություններով լի տարի:

Թագուհի Թովմասյան, «Ժողովուրդ» օրաթերթի եւ ArmLur.am կայքի գլխավոր խմբագիր

Վերամբարձ խոսքերի ժամանակը վաղուց անցել է. զգաստանալու, ինքնամաքրվելու, մեր ակունքներին վերադառնալու ժամանակն է: Այնտեղ, ուր թագավորում է ուժը, բանականություն չկա: Ուրեմն իշխանությունը չպետք է տուրք տա ուժի ցուցադրության: Քաղաքական ագահությունը կործանում է բոլորիս: Սա մեր ու ձեր հայրենիքն է, եւ յուրաքանչյուրս իր տեղում պիտի փորձի այս աշխարհը մի քիչ ավելի լավը դարձնել: Ինչպես ասում են` երջանիկ մարդկանց չափավորությունը գալիս է հաջողակ կյանքի հանդարտությունից: Եկեք գոնե այս տարի ազնվություն ունենանք խոստանալու սիրել մեր երկիրը եւ ամեն ինչ անել ժողովրդի բարեկեցության համար: Իսկ ազնիվ մարդկանց համար խոստումը պարտավորություն է: Շնորհավոր Ամանոր եւ Սուրբ Ծնունդ:

Աննա Բաբաջանյան

Թող 2018 թվականը լինի կատարված խոստումների, արդարացված հույսերի ու հաղթահարված խոչընդոտների տարի: Թող մենք ունենանք եւ վառ անհատականնություններ, եւ ուժեղ, արժանապատիվ հասարակություն:

ԱՐՄԱՆ ԳԱԼՈՅԱՆ

Խաղաղություն. կարեւորագույն արժեք, առանց որի անհնար է պատկերացնել պետության բարօրությունն ու զարգացումը: Եւ ուրեմն` թող 2018 թվականը մեր երկրին բերի խաղաղություն: Թող իրականանան ձեր նվիրական երազանքները: Թող սերն ու երջանկությունը թեւածի ձեր ընտանիքներում: Ձեզ անսպառ եռանդ, ուժ եւ տոկունություն: Շնորհավոր Ամանոր եւ Սուրբ Ծնունդ:

Սյունէ Համբարձումյան

Ահա եւ ճամպրուկում ենք 2017 թվականը… թող այս նոր էջում չլինի ցավ, հիվանդություն ու տխրություն: Իսկ 2018 թվականը թող կախարդական, հրաշքներով ու սպասումներով լի, առատություն ու բարություն բերող տարի լինի: Շնորհավոր Ամանոր եւ Սուրբ Ծնունդ:

Գոհար Գեւորգյան

Զինվորին` խաղաղ ծառայություն, երկրիս` անպատերազմ ապագա, հայությանս` առանց գծագրության տնտեսական ահռելի աճ, իսկ մոլորակի ողջ մարդկությանը` պարզապես երջանկություն: Շնորհավոր Ամանոր եւ Սուրբ Ծնունդ:

Նատալյա Պողոսյան

Շնորհավորում եմ բոլորի Ամանորն ու Սուրբ Ծնունդը: Եղեք առողջ: Թող այս տարի լինի խաղաղության ու միասնության տարի: Թող բոլոր զինվորները տուն վերադառնան: Թող բոլոր մանուկներն ապրեն խաղաղ երկնքում:

Ոսկան Սարգսյան

Մաղթում եմ, որ լույսն ու հույսը, սերն ու գեղեցկությունը, առողջությունը եւ երջանկությունն անպակաս լինեն 2018 թվականին: Հայաստանում արեւածագերն ու մայրամուտները խաղաղ լինեն:

Լիաննա Խաչատրյան

Թող այս հին տարին տանի ձեզանից բոլոր տխրություններն ու դժվարությունները, իսկ այս նոր տարին բերի միայն ուրախություն եւ երջանկություն ձեր օջախներում: Բոլորին թող ուղեկցի հաղթանակը… Թող այս Ամանորը լինի ուրախ եւ հրաշքներով լի…Շնորհավոր Նոր տարի:

Տաթեւ Հարությունյան

Սիրելի՛ ընթերցողներ, թող որ անցնող տարին իր հետ տանի բոլոր անախորժություններն ու հիասթափությունները, եւ գալիք՝ 2018 թվականը, լինի միմիայն ձեռքբերումների եւ նվաճումների տարի: Շնորհավոր Ամանոր եւ Սուրբ Ծնունդ:

Էդգար Բաղդասարյան

Այս գալիք նոր տարում
Բոլորին թող ուղեկցի հաղթանակը,
Թող բոլոր խնդիրները մնան անցյալում,
Թող այս Ամանորը,
Լինի ուրախ եւ հրաշքներով լի… Շնորհավոր նոր տարի:

Քնար Մանուկյան

2018 թվականը թող խաղաղություն բերի մեր հայրենիքին, բոլորիս հոգիներին, ավելի շատ հարգենք ու հանդուժող լինենք միմյանց նկատմամբ, իսկ ահա անվտանգությունն ու առաջընթացը իրատեսական եւ շոշաթելի լինեն եկող տարում: Գալդ բարի 2018 թվական:

Նաիրա Հովհաննիսյան

Սիրելի՛ ընթերցող, եղեք առողջ եւ երբեք մի՛ կորցրեք հավատը վաղվա օրվա հանդեպ: Թող 2018 թվականն իր հետ միայն ուրախ պահեր բերի Ձեզ համար: Շնորհավոր Ամանոր եւ Սուրբ Ծնունդ:

Լիդա Եղիազարյան

Թող այս հին տարին տանի մեզանից բոլոր տխրություններն ու դժվարությունները, իսկ այս նոր տարին բերի միայն ուրախություն եւ երջանկություն: Շնորհավոր Ամանոր եւ Սուրբ Ծնունդ:

Անուշիկ Խաչատրյան

Գալիք տարին իր հետ թող բերի նորածինների ճիչ, օջախների ջերմություն, սահմանների խաղաղություն: Թող չլինեն միայնակ տարեցներ ու ծնողազուրկ մանուկներ, օրվա հացի կարոտ անհատներ, զինվոր կորցնող ընտանիքներ, ու թող մարդկանց դեմքին ժպիտը թեւածի: Ուրախ տոներ ամենքիս: