Անկարգ ուղևոր` Մոսկվա-Գյումրի չվերթի ինքնաթիռում. ոստիկանները նրան բերման են ենթարկել

Հունվարի 18-ին, ժամը 20.20-ին, «Շիրակ» օդանավակայանի ավիացիոն անվտանգության ծառայությունից ոստիկանությունում հաղորդում է ստացվել, որ Մոսկվա-Գյումրի չվերթի ինքնաթիռում անկարգ ուղևոր կա:

Մեկնած օպերատիվ խումբը պարզել է, որ Մոսկվա-Գյումրի չվերթի ուղևոր, ՌԴ քաղաքացի, 1980 թ. ծնված Դմիտրի Ն.-ն, գտնվելով ալկոհոլի ազդեցության տակ, խախտել է օդանավի վարքի կանոնները, իսկ ժամանման սրահում խախտել է հասարակական կարգը, տվել է հայհոյանքներ, խաթարել ավիացիոն անվտանգության ծառայողների աշխատանքը, ինչի համար վերջինս բերման է ենթարկվել ոստիկանություն:
Կատարվում է հետաքննություն: