Ռուսաստանի կենտրոնական ընտրական հանձնաժողովն ավարտել է մարտի 18-ի նախագահական ընտրություններում առաջադրված թեկնածուների գրանցումը:
ԿԸՀ-ի նախագահ Էլլա Պամֆիլովան հայտարարել է, որ այսօր պաշտոնապես գրանցվել են Քսենիա Սոբչակի և Մաքսիմ Սուրայկինի թեկնածությունները: Այսպիսով՝ նախագահի պաշտոնի համար կպայքարի 8 թեկնածու:
ԿԸՀ-ն ավելի վաղ գրանցել է գործող նախագահ Վլադիմիր Պուտինի, գործարարների օմբուդսմեն, Զարգացման կուսակցության ղեկավար Բորիս Տիտովի, ազգայնական գործիչ, Ռուսաստանի համաժողովրդական կուսակցության ղեկավար Սերգեյ Բաբուրինի, «Յաբլոկո» ազատական կուսակցության ղեկավար Գրիգորի Յավլինսկու, լիբերալ-դեմոկրատների ղեկավար Վլադիմիր Ժիրինովսկու և Կոմունիստական կուսակցությունից առաջադրված Պավել Գրուդինինի թեկնածությունները:
.gif)
