ՏԵՍԱՆՅՈՒԹ. ՔԿ վարչությունում լարված մթնոլորտ է. ինչ է մանրամասնում նախարարը

ՀԵՏԵՎԵՔ ՄԵԶ Telegram-ՈՒՄ

«Ժողովուրդ» օրաթերթի հետ զրույցում ՀՀ արդարադատության նախարար Դավիթ Հարությունյանը, անդրադառնալով ՔԿ վարչությունում կադրային ջարդին, ասաց. «Ովքեր թերի են աշխատելու, փոխվելու են, դա չի կարելի անվանել կադրային ջարդ»:

-«Ժողովուրդ» օրաթերթը գրել է, որ ՔԿ վարչության պետ Ռաֆայել Հովհաննիսյանի նշանակումը վարչությունում այդքան էլ լավ չի ընդունվել, քանի որ եղել են վարչության աշխատակիցներ, ովքեր չեն հաշտվում Արթուր Օսիկյանի հեռանալու հետ, եւ ահա առաջիկայում վարչությունում լարված մթնոլորտի հետեւանքով կադրային ջարդ է սկսվելու, եւ վարչության շատ աշխատակիցներ, մինչ կադրային ջարդի սկսվելը, պատրաստվում են դիմում գրել:

-Ովքեր թերի են աշխատելու, փոխվելու են, դա չի կարելի անվանել կադրային ջարդ:

-Այսինքն` ամեն դեպքում վարչությունում ազատումներ են սպասվում, որոշ անձանց կասեն` դիմում գրեք:

-Ովքեր վատ են աշխատում, նրանք, ամենայն հավանականությամբ, կազատվեն աշխատանքից: Վստահ չեմ, որ իրենց հնարավորություն կընձեռվի դիմում ներկայացնել, իսկ ովքեր լավ են աշխատում, կշարունակեն աշխատել:

Մանրամասները` ArmLur.am-ի տեսանյութում:

Քնար Մանուկյան




Լրահոս