Մարտի 20-ի միջոցառումներ

Մարտի 20-ին, ժամը 11.00-ին «Անդրադարձ» մամուլի ակումբում կհյուրընկալվեն սոցիոլոգ Ահարոն Ադիբեկյանը եւ հոգեբան Սամվել Խուդոյանը:

Թեման` Մարտի 20-ը երջանկության միջազգային օրն է:

Երջանկության ցուցանիշով ի՞նչ դիրքերում է մեր երկիրը, եւ ի՞նչ է պետք հայերիս` երջանիկ համարվելու համար:

***

Մարտի 20-ին, ժամը 12.00-ին «Անդրադարձ» մամուլի ակումբի հյուրերն են Շիրակի պետհամալսարանի արդեն նախկին դասախոսներ Գագիկ Համբարյանն ու Հովհաննես Խորիկյանը, նույն բուհի ուսխորհրդի նախագահ Արմեն Մելքոնյանը եւ կրթության ոլորտի փորձագետ Անահիտ Բախշյանը:

Թեման` ՇՊՀ-ում տեղի ունեցող սկանդալային իրադարձությունների հետքերով. իվերջո, ինչո՞ւ են աշխատանքից ազատվել բուհի երկու դասախոսները, ինչո՞ւմ է մեղադրվում Շիրակի համալսարանի ռեկտորն ու ինչի՞ դեմ են ընդվզում նախկին աշխատակիցները:

***

Մարտի 20-ին ժամը 11:00-ին «Պոստ Սկրիպտում» մամուլի ակումբում  ՀՀ ԳԱ Քիմիական ֆիզիկայի ինստիտուտի ավագ գիտաշխատող, ջրային էկոհամակարգերի մասնագետ, բնապահպան Սեյրան Մինասյանը, ջրի համաշխարհային օրվան ընդառաջ, կխոսի ՀՀ ջրային ռեսուրսների պաշարների և աղտոտվածության մասին, կներկայացնի վիճակագրական տվյալներ Հայաստանի տարածքում ջրային ռեսուրսների տեղաբաշխման և ապահովման մասին, ինչպես նաև կանդրադառնա ջրային պաշարների ճիշտ կառավարման խնդրին

***

Հայ-Ռուսական համալսարանում մարտի 20-ին՝ ժամը 15:00-ին, կայանալու է «Ճապոներեն լեզվի և մշակույթի» կենտրոնի բացման հանդիսավոր արարողությունը։

Կենտրոնը ստեղծվել է Ճապոնիայի ԱԳՆ «Դրամաշնորհային օժանդակություն ֆունդամենտալ մշակութային ծրագրերին» ֆոնդի ֆինանսական աջակցությամբ և ՀայաստանիՀանրապետությունում Ճապոնիայի դեսպանատան անմիջական օգնությամբ:

«Ճապոներեն լեզվի և մշակույթի» կենտրոնի բացմանը ներկա է լինելու ՀՀ-ում Ճապոնիայի արտակարգ և լիազոր դեսպան Էյջի Տագուչին։

***

Մարտի 20-ին՝ ժամը 19.00, Արամ Խաչատրյանի տուն-թանգարանում տեղի կունենա Հայաստանի պետական սիմֆոնիկ նվագախմբի անսամբլ Օտրի տրիոյի համերգը։ Երեկոյի ընթացքում հնչելու են ֆրանկոֆոն երկրների կոմպոզիտորների գործեր, կներկայացվի նաև համաշխարհային պրեմիերա։ Ի դեպ, Օտրի տրիոն իր կազմով բացառիկ է աշխարհում։ Գործիքների հետաքրքիր համադրություն ունի՝ ֆլեյտա, ջութակ և ալտ։ Օտրի տրիոն ներկայացնում են ֆլեյտահար Ռուզաննա Թովմասյանը, ջութակահար Անժելա Հովհաննիսյանը և ալտահար Արևիկ Կոսյանը։

***

Մարտի 20-ին, ժամը 13:30-ին Երևանի պետական լեզվահասարակագիտական համալսարանում / հասցե՝ Երևան, Թումանյան 42/ տեղի կունենա հանդիսավոր միջոցառում՝նվիրված ԵՊԼՀ ուսանողական խորհրդի 20-ամյակին : Միջոցառմանը ներկա կգտնվի ՀՀ ԿԳ նախարար Լևոն Մկրտչյանը:

***