Թունավորում Հնաբերդում. հիվանդանոց է տեղափոխվել 10 մարդ, այդ թվում` մանկահասակ երեխաներ

Մարտի 26-ին, ժամը 9.15-ին, հիվանդանոցից ոստիկանության Արագածի բաժնում հաղորդում է ստացվել, որ «շմոլ գազով թունավորում հարցականով» ախտորոշմամբ բուժօգնության են տեղափոխվել Հնաբերդ գյուղի բնակիչներ, 37-ամյա Գևորգ Ի.-ն, 31-ամյա Աննա Ի.-ն, 7-ամյա Գագիկ Ի.-ն, 10-ամյա Արփինե Ի.-ն, 3-ամյա Արևիկ Ի.-ն, 34-ամյա Կարապետ Ի.-ն, 25-ամյա Արփինե Պ.-ն, 5-ամյա Մերի Ի.-ն, 3-ամյա Կարեն Ի.-ն և 1 տարեկան Դավիթ Ի.-ն:

Մեկնած օպերատիվ խումբը պարզել է, որ նրանք թունավորվել են նույն օրը, ժամը 1.00-ի սահմաններում, իրենց տանը, կաթսայից տեղի ունեցած շմոլ գազի արտահոսքից:

Նշանակվել է դատաբժշկական փորձաքննություն: Կատարվում է քննություն: