Ադրբեջանական գնդակոծությունից կովը սատկել է, ևս 2-ը` վիրավորվել

ՀԵՏԵՎԵՔ ՄԵԶ Telegram-ՈՒՄ

Ապրիլի 8-ին Տավուշի մարզի Նոյեմբերյանի տարածաշրջանի սահմանամերձ Բաղանիս գյուղի «Ջրովքեր» տեղամասում ադրբեջանական գնդակոծությունից բաղանիսցի Սուրիկ Ալեքսանյանի կովը սատկել է, նրա մյուս 2 կովը վիրավորվել են, դրանք հարկադիր մորթի են ենթարկվել: Բաղանիսի վարչական ղեկավար Նարեկ Սահակյանը հայտնեց, որ ինքը պատահարի վերաբերյալ տեղյակ է պահել համապատասխան մարմիններին:

Բաղանիսի վարչական ղեկավարը հայտնեց, որ իր 3 կովից, ապրուստի միջոցներից զրկված Սուրիկ Ալեքսանյանին դրամական օգնություն ցուցաբերելու համար դիմել են Տավուշի մարզպետարան եւ սպասում են աջակցության: Տավուշի մարզպետարանը արդյոք ամբողջությա՞մբ կփոխհատուցի Սուրիկ Ալեքսանյանի կրած վնասը, թե՞ դրամական մասնակի աջակցություն կցուցաբերի:

Ոսկան Սարգսյան
Տավուշ

 




Լրահոս