Դիբալան կերկարաձգի պայմանագիրը «Յուվենտուս»-ի հետ

Թուրինի «Յուվենտուս»-ը և արգենտինացի հարձակվող Պաուլո Դիբալան ընդհանուր հայտարարի են եկել նոր պայմանագրի շուրջ:

Այս մասին գրում է իտալական մամուլը: Դիբալայի և «Յուվենտուս»-ի միջև պայմանագիրը նախատեսված էր մինչև 2022 թվականը, սակայն նոր պայմանագրով արգենտինացին Թուրինում կմնա մինչև 2025 թվականը: Դիբալայի աշխատավարձը կբարձրանա և նա տարեկան կստանա 7,5 միլիոն եվրո:

Ընթացիկ մրցաշրջանում Դիբալան «Յուվենտուս»-ի կազմում մասնակցել է 34 խաղի և խփել է 13 գնդակ: