27-ամյա Աննան նստել էր 4-րդ հարկի արտաքին պատին ամրացված օդորակիչի վրա և սպառնում ինքնասպան լինել

Հայաստանի ԱԻՆ-ում, մայիսի 20-ին, ժամը 18:00-ին Ճգնաժամային կառավարման ազգային կենտրոն ահազանգ է ստացվել, որ քաղաքացին նստել է Երեւանի Շարուրի փողոցի թիվ 24/2 շենքի 4-րդ հարկի արտաքին պատին ամրացված օդորակիչի շարժիչի վրա։

Դեպքի վայր է մեկնել ԱԻՆ ՓԾ Երեւան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ եւ հոգեբանական աջակցության բաժնի հրահանգիչը:

Փրկարարները կանխել են Աննա Ս․-ի (ծնված 1993 թ.) ինքնասպանության փորձը։

Հոգեբանական աջակցության բաժնի հրահանգիչը քաղաքացի Աննա Ս․-ի դստերը (8 տարեկան) ցուցաբերել է հոգեբանական աջակցություն։