Բրազիլիան անցավ Իսպանիային. ինչ իրավիճակ է աշխարհում

Աշխարհում  կորոնավիրուսով վարակվածների թիվն անցել է 5 միլիոն 90 հազարից: Մահացածների թիվն անցել է 329 հազարից: Ապաքինվել է 2 միլիոն 024 հազար 286 մարդ:

Վիրուսով վարակվածների թվով առաջին տեղում կրկին ԱՄՆ-ն է գտնվում, որտեղ կա 1 միլիոն 593 հազար 039 հաստատված դեպք կա: Այստեղ մահացածների թիվը 94 հազար 941 է: Երկրորդ տեղում ՌԴ-ն է, որտեղ կա 308 հազար 705 հաստատված դեպք: Մահերի թիվն այստեղ կազմում է 2 հազար 972:

Վարակվածների թվով երրորդ տեղում է հայտնվել Բրազիլիան, որը շրջանցել է Իսպանիային: Բրազիլիայում վարակվածների ընդհանուր թիվը հասել է 293 հազար 357-ի, վարակի հետևանքով մահացել է 18 հազար 894 մարդ:

Իսպանիայում հաստատված դեպքերի թիվը 279 հազար 524 է: Մահացության ցուցանիշը կազմում է 27 հազար 888:

Վարակվածների թվով հինգերորդ տեղում Մեծ Բրիտանիան է՝ 248 հազար 293 ընդհանուր դեպքով: Մահացածների թիվը կազմում է 35 հազար 704: