Հայաստանում Հնդկաստանի դեսպանն այցելել է Սարդարապատ

Հայաստանում Հնդկաստանի դեսպանն այսօր՝ մայիսի 28–ին, այցելել է Սարդարապատ։ Այս մասին տեղեկանում ենք Հնդկաստանի դեսպանատան սոցկայքի էջից։

«Այսօր Հայաստանը տոնում է Հայաստանի Առաջին հանրապետության հիմնադրման 102-ամյակը: Մայիսի 28-ին աշխարհասփյուռ հայությունը նշում է Սարդարապատի ճակատամարտի պատմական հաղթանակը: Դեսպան Կ.Դ. Դեվալը հարգանքի տուրք մատուցեց Սարդարապատի հերոսամարտի հերոսների հիշատակին՝ ծաղկեպսակ դնելով Սարդարապատի հուշահամալիրում»: