ԱՄՆ-ի ամբողջ տարածքում ցույցեր են

Մինեապոլիսում տեղի ունեցող զանգվածային բողոքի ցույցերը շարունակվում են ամբողջ երկրում։ Դրանք  կապված են օրեր առաջ  սոցցանցերում տարածված տեսանյութի հետ, որում Ջորջ Ֆլոյդ անունով ոստիկանն իրավախախտին պառկեցրել է գետնին ու ծնկով սեղմում է նրա վիզը, ինչի հետևանքով սևամորթ տղամարդը մահանում է։

Այս պատահարից զայրացած ցուցարարներն այժմ պահանջում են խստագույնս պատասխանատվության ենթարկել ոստիկանին։
Իսկ ԱՄՆ նախագահը  ցուցարարներին «ավազակներ» է անվանել, իսկ քաղաքապետ Ջեյքոբ Ֆրեյին՝ «թույլ» որակել՝ սպառնալով իր ձեռքը վերցնել քաղաքի վերահսկողությունը, եթե նրան չհաջողվի դադարեցնել բռնությունը, որի հետևանքով ավերվում է քաղաքը։

Իսկ ահա Մինեսոտայի 4-րդ դատական շրջանի դատարանում հարուցված քրեական գործի համաձայն՝ Դերեկ Չաուվին անունով ոստիկանի նկատմամբ 500 000 դոլարի չափով գրավ է սահմանվել։

Հայտնի է, որ երկրի տարբեր հատվածներում տեղի են ունենում բողոքի զանգվածային ակցիաներ, որոնք երբեմն վերածվում են անկարգությունների։