Կորոնավիրուսի համաճարակի պատճառով մարտի կեսերից փակված Էյֆելյան աշտարակն իր առաջին այցելուներին կընդունի հունիսի 25-ից: Այս մասին հայտնում է ՏԱՍՍ-ը՝ հղում անելով Ֆրանսիայի մշակութային արժեքների սպասարկման կազմակերպության տարածած հաղորդագրությանը:
«Երկրորդ համաշխարհային պատերազմից հետո առավելագույն երկար ժամանակով՝ ավելի քան 3 ամսով այցելուների համար փակված Էյֆելյան աշտարակը նորից բաց կլինի հունիսի 25-ից: 11 տարեկանից բարձր բոլոր այցելուների համար պարտադիր կլինի դիմակ կրելը»,- նշված է հաղորդագրությունում:
Կազմակերպությունը հայտնում է, որ հակահամաճարակային կանոնների պահպանմամբ պայմանավորված, որպեսզի այցելուների ճանապարհները չհատվեն, բարձրացողները կօգտվեն արևելյան, իսկ իջնողները՝ արևմտյան աստիճաններից:
Ֆրանսիայում կորոնավիրուսով վարակման հաստատված դեպքերի թիվն ացնել է 154 հազարից: Կորոնավիրուսի հետևանքով մահացել է 29209 մարդ:
.gif)
