Գեղարքունիքի մարզում կկառուցվեն ջրահեռացման առուներ

Կարմիրգյուղ համայնքի մի շարք փողոցներում ՀՀ կառավարության կողմից իրականացվող սուբվենցիոն ծրագրերի շրջանակներում կկառուցվեն ջրահեռացման առուներ:

?Ծրագրի ընդհանուր արժեքը կազմում է 23 միլիոն 226 հազար դրամ, որի
➡️70 տոկոսը կամ 16 միլիոն 255 հազար դրամը հատկացնում է ՀՀ կառավարությունը,
➡️6 միլիոն 966 հազար դրամը՝ Կարմիրգյուղի համայնքապետարանը:

Ջրահեռացման առուները կկառուցվեն 1181 գծամետր երկարությամբ, Ազատության, Հունան Ավետիսյան, Գարեգին Նժդեհ, Հովհաննես Շիրազ եւ Սերգո Ավետիսյան փողոցներում: Ջրահեռացման համակարգը կառուցվելու է երկաթյա խողովակներով կամ կիսախողովակներով: Ջրահեռացման առուները միաժամանակ ծառայելու են ոռոգման նպատակներով:

Դրանք մի կողմից պաշտպանելու են հիմնանորոգվող ճանապարհները քանդվելու եւ հեղեղումների վտանգից, մյուս կողմից էլ ոռոգման ժամանակ նվազագույնի են հասցնում ջրի կորուստները եւ նպաստում, որ մատակարարվող ջուրը տեղ հասնի ավելի ավելի արագ ու խնայողաբար: