Երեկ լրագրողների հետ զրույցում Ազգային ժողովի «Բարգավաճ Հայաստան» խմբակցության պատգամավոր Գևորգ Պետրոսյանը հայտարարեց, թե ԲՀԿ առաջնորդ Գագիկ Ծառուկյանը հավերժական մարդ է, եւ նրան հրաժեշտ տալ հնարավոր չէ:
Մի փոքր այլ ձեւակերպմամբ իրենց կուսակցության ղեկավարին 2018 թվականին մեծարում էին Հանրապետական կուսակցության անդամները: 2018 թվականի հայտնի դեպքերի ժամանակ հանրապետական գործիչներն իրար հերթ չտալով հայտարարում էին, թե ապրիլի 9-ից հետո Հայաստանի վարչապետը պետք է լինի Սերժ Սարգսյանը, ուրիշ երկրորդ մարդ չկա, նա անփոխարինելի է:
Սակայն 2018 թվականի հայտնի իրադարձությունները ցույց տվեցին, որ ՀՀԿ ղեկավար Սերժ Սարգսյանն ամեն դեպքում անփոխարինելի չէր. հետաքրքիր է՝ ինչ ցույց կտան իրադարձությունները Գագիկ Ծառուկյանի մասով:
Մանրամասները՝ տեսանյութում
.gif)
