Հրազդան քաղաքում կնորոգվեն բազմաբնակարան շենքերի վերելակները

Կոտայքի մարզի Հրազդան քաղաքում կնորոգվեն բազմաբնակարան շենքերի վերելակները։

Ծրագիրը ներկայացվել է քննարկման և հավանության արժանացել 2020 թվականի սուբվենցիաների տրամադրման նպատակով Կառավարությունում ստեղծված միջգերատեսչական հանձնաժողովի նիստում։

«Քաղաքի վերելակների կեսից ավելին արդեն սպառել են իրենց ռեսուրսները, որոշներն էլ կորցրել են անվտանգությունն ապահովող մասերը, այդ իսկ պատճառով այս ծրագրի որակյալ և ժամանակին իրականացումը առաջնահերթ լուծում պահանջող խնդիր է: Վերելակների ֆոնդի թարմացման և նորոգման ծրագրի արժեքն 96 մլն 424 հազար 300 ՀՀ դրամ է, որի 50 տոկոսը պետության ֆինանսավորումն է, մնացած մասը՝ համայնքի ներդրումը»,- հայտնում են Կոտայքի մարզպետարանից: