Ինչպես հայտնի է, ՀՀ ԱԱԾ-ն հունիսի 14-ի վաղ առավոտից խուզարկություն էր իրականացրել ԲՀԿ առաջնորդ, պատգամավոր Գագիկ Ծառուկյանի Առինջի առանձնատանը: Ավելի ուշ Ծառուկյանին հրավիրել էին ԱԱԾ՝ հարցաքննության: Հենց այդ պատճառով էլ նրա համակիրները հավաքվել էին ԱԱԾ–ի մոտ, որոնց բերման էին ենթարկել ոստիկանության տարբեր բաժանմունքներ: Բերման ենթարկվածների մեջ էր նաեւ Երեւանի ավագանու «Լույս» Խմբակցության ղեկավար Դավիթ Խաժակյանը: Դավիթ Խաժակյանին հրավիրել են ՀՀ քննչական կոմիտե հարցաքննության:
ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում քրեական գործ է հարուցվել ՀՀ Քրեական օրենսգրքի 225.1-րդ հոդվածի 1-ին մասի հատկանիշներով ` Օրենքով սահմանված կարգի խախտմամբ հավաքը դիտավորությամբ կազմակերպելը և անցկացնելը՝պատժվում են տուգանքով՝ նվազագույն աշխատավարձի երկուհարյուրապատիկից երեքհարյուրապատիկի չափով, կամ կալանքով՝ առավելագույնը երկու ամիս ժամկետով:
Եվ ահա մեզ հասած տեղեկությունների համաձայն, ՀՀ քննչական կոմիտեն վկայի կարգավիճակով հարցաքնության է հրավիրել նաեւ Երեւանի ավագանու «Բարգավաճ Հայաստան» խմբակցության անդամ Մարկոս Հարությունյանին:
Իսկ ինչ են հարցեր են ուղղել Երևան քաղաքի քննչական վարչության ծանր հանցագործությունների քննության բաժնի քննիչները Մարկոս Հարությունյանին: Մեկ ուշագրավ հանգամանք ևս. ոստիկանությունում Մարկոս Հարությունյանին վախեցրել են, ասել են՝ եթե մեկ անգամ էլ քեզ բերման ենթարկենք, տանելու ենք Մեղրի քաղաք:
Այսօր ArmLur.am-ը Երեւանի ավագանու «Բարգավաճ Հայաստան» խմբակցության անդամ Մարկոս Հարությունյանից հետաքրքրվել է՝ նախաքննական մարմնի ձեռքում կան այնպիսի ապացույցներ, մասնավորապես հեռախոսային խոսակցություններ, թե ինչպես է ենթադրենք Մարկոս Հարությունյանը զանգահարում կամ այլ կապի միջոցով մարդկանց հորդորում գնալ ԱԱԾ-ի շենք եւ բողոքի ակցիա իրականացնել:
Ակնհայտ է մեկ բան, որ նախաքնական մարմինը դեռես փնտրում է հունիսի 14-ին Ազգային Անվտանգության Ծառայության դիմաց բողոքի ակցիայի կազմակերպիչներին, սակայն հարցաքննվածները դեռեւս կազմակերպչի անուն չեն տալիս: Ասել է, թե իրավապահները դեռ փնտրում են ու փնտրում:
Մանրամասները՝ տեսանյութում
Քնար Մանուկյան
.gif)
