ՏԵՍԱՆՅՈՒԹ. Ես շարունակում եմ մնալ իմ կարծիքին. Արսեն Թորոսյանը՝ կտորե դիմակներ չկրելու հորդորի մասին

Այսօր լրագրողները ՀՀ առողջապահության նախարար Արսեն Թորոսյանից հետաքրքրվեցին նրա արված հայտարարություններից մեկի մասին, երբ վերջինս խորհուրդ էր տվել սրճարաններ կամ հանրային սննդի վայրեր չայցելել: Լրագրողը հետաքրքրվեց՝ ինչպես է իրեն զգում, երբ փաստացի նրա կոչին չեն հետևում նաեւ հենց իր թիմակիցները՝ իշխող թիմի անդամները: Ի պատասխան Թորոսյանը նկատեց, որ յուրաքանչյուրն ինքն է որոշում, թե ինչպես վարվել եւ ուր գնալ:

Նաև հետաքրքրվեցին, թե արդյոք այն մարդիկ, որոնք կորոնավիրուսով բուժվում են տանը, արդյոք փոխհատուցում ստանալու են թե ոչ: «Կան դեղորայքներ, որոնք մատչելի են եւ կարիք չկա այլ թանկարժեք դեղեր գնելու: Նորից եմ կոչ անում նաեւ մեր գործընկերներին՝ հետեւել մեր կողմից հաստատված գործելակարգին: Նաեւ ցանկանում եմ հայտնել, որ այդ բուժման արարողակարգի մեջ ներառված դեղերի մի մասը, որոնք ավելի թանկ են համեմատաբար, իրականացրել ենք գնում եւ բաշխել պոլիկլինիկական համակարգերին», – հավելեց նա:

Թորոսյանից նաեւ հետաքրքրվել ենք, թե արդյոք շարունակում է մնալ այն կարծիքին, որ կտորե դիմակներ կրել պետք չէ, այլ միայն անհրաժեշտ է բժշկական դիմակներ կրել:

Մանրամասները՝ տեսանյութում