ՏԵՍԱՆՅՈՒԹ. «Լավ օրից չեմ հանել վաճառքի». մայթեզրին կայանված ավտոմեքենայի վարորդը՝ նոր օրենքի մասին

ՀՀ Ազգային ժողովն այսօր առաջին ընթերցմամբ ընդունեց «Տեղական ինքնակառավարման մասին» օրենքում լրացում կատարելու մասին եւ Վարչական իրավախախտումների վերաբերյալ ՀՀ օրենսգրքում լրացում կատարելու մասին օրենքների նախագծերի փաթեթը:

ԱԺ «Իմ Քայլը» խմբակցության պատգամավորներ Մխիթար Հայրապետյանի, Նիկոլայ Բաղդասարյանի եւ Նարեկ Զեյնալյանի հեղինակած փաթեթով առաջարկվում է լուծել մայթեզրերին կայանված ավտոմեքենաների վաճառքի ու վարձույթի խնդիրը: Ըստ պատգամավորների՝ այս խնդիրը Երեւանում կա՝ տրանսպորտային միջոցների վաճառքը կամ վարձույթը կազմակերպվում է մայթեզրերի վրա: Կան վայրեր, որտեղ մայթեզրերը վերածվել են ավտոմեքենաների վաճառքի «շուկայի»: Իսկ քաղաքային իշխանությունը ավտոշուկայի համար հարմար վայր է փնտրում քաղաքի վարչական սահմաններից դուրս: Ի դեպ, տեղեկացնենք, որ օրենքի ընդունման պարագայում մայթեզրը «շուկայի» վերածող վարորդները կտուգանվեն 50 հազար դրամի չափով:

ArmLur.am-ը շրջեց Կենտրոն վարչական շրջանի մի քանի փողոցներով եւ հայտնաբերեց մայթեզրերին կայանված վաճառքի հանված մի քանի ավտոմեքենաների: Վաճառքի հանված մեքենաների պատուհաններին փակցված են սեփականատերերի հեռախոսահամարներ: Նրանցից մեկի հետ ArmLur.am-ը կապ հաստատեց: Պարզվեց` մեքենայի սեփականատերը տեղյակ չէր, որ խորհրդարանը նման հարցով նախագծերի փաթեթ է ընդունել:

Մանրամասները՝ տեսանյութում

Սյունէ Համբարձումյան, Հովսեփ Հովսեփյան