Կառավարությունն արտահերթ նիստ կգումարի․ ինչ հարցեր են քննարկվելու

Երկուշաբթի՝ հուլիսի 13-ին, ժամը 11:00-ին տեղի կունենա ՀՀ կառավարության արտահերթ նիստը: Այս մասին հայտնում է կառավարությունից։
Ըստ էության , նիստի օրակարգում է լինելու երկրում հայտարարված արտակարգ դրության երկարաձգումը, քանզի հուլիսի 13-ին ավարտվում է Հայաստանում դեռեւս մարտի 16-ից հայտարարված արտակարգ դրության ժամկետը, որն արդեն երեք անգամ երկարաձգվել է ։  Կառավարության նիստին կքննարկվի այն չորրորդ անգամ երկարաձգելու հարցն ու կուղարկվի Ազգային ժողով։