Ոստիկանության Լոռու մարզային վարչության Գուգարքի բաժնի պետի տեղակալը` մեղադրյալի աթոռին

ՀՀ ոստիկանության Լոռու մարզային վարչության Գուգարքի բաժնի համայնքային ոստիկանության բաժանմունքի տեսուչ Արգեշտի Չախալյանին եւ ՀՀ ոստիկանության Լոռու մարզային վարչության Գուգարքի բաժնի պետի ծառայության գծով տեղակալին մեղադրանք է առաջդրվել: Մասնավորապես վերջիններս հանդիսանալով պետական ծառայություն իրականացնող պաշտոնատար անձիք, Կարեն Հովհաննիսյանի կողմից 23.10.2019 թվականին «Հայանտառ» ՊՈԱԿ-ի «Եղեգնուտի անտառտնտեսություն» մասնաճյուղի «Փամբակի» անտառպետության թիվ 1 պահաբաժնի տարածքից ապօրինի հատված, առանց համապատասխան փաստաթղթերի փայտանյութ տեղափոխելու դեպքի առթիվ նյութերի նախապատրաստման ընթացքում, Կարեն Հովհաննիսյանի դրդմամբ, անձնական շահագրգռվածությունից ելնելով, պաշտոնական դիրքը ծառայության շահերին հակառակ օգտագործելով՝ չարաշահել է իր պաշտոնական լիազորությունները, որն էական վնաս է պատճառել պետության վստահելի գործադիր իշխանություն ունենալու օրինական շահերին։

Դրդող Կարեն Հովհաննիսյանը եւս հայտնվել է մեղադրյալի աթոռին : Նրան մեղադրանք է առաջադրվել, որ նա խնդրելու եղանակով դրդել է ՀՀ ոստիկանության Լոռու մարզային վարչության Գուգարքի բաժնի պետի ծառայության գծով տեղակալի պաշտոնը զբաղեցնող և պետական ծառայություն իրականացնող պաշտոնատար անձ հանդիսացող Համազասպ Միսկարյանին՝ վերջինիս կողմից պաշտոնական լիազորությունների չարաշահմանը:

Ք.Մ