Հուլիսի 29-ին ԱԱԾ-ն կաշառքի գործով կալանավորված փոխնախարարի գործով որոշում է կայացրել Մեզ հայտնի դարձավ, որ Առանձնապես խոշոր չափերով կաշառք ստանալու համար կալանավորված ՀՀ կրթության, գիտության, մշակույթի և սպորտի նախարարի նակին տեղակալ Գևորգ Լոռեցյանին, նրա վարորդի դեմ հարուցված քրեական գործով գործով կհայտարարի նախաքննության ավարտ:
Հիշեցնենք՝ 2019 թվականի դեկտեմբերի 4-ին առանձնապես խոշոր չափերով կաշառք ստանալու կասկածանքով բերման էին ենթարկվել Հայաստանի կրթության, գիտության, մշակույթի և սպորտի նախարարի տեղակալը, ինչպես նաև վերջինիս վարորդն ու ՀՀ-ում գործող ֆուտբոլային ակումբներից մեկի նախագահը, ով միաժամանակ հանդիսանում է նաև մի շարք մատակարարող ընկերությունների փաստացի ղեկավարը:
Ըստ ԱԱԾ-ի տարածած հաղորդագրության, ԿԳՄՍ նախարարի տեղակալը, նախարարության ենթակա հիմնարկների կարիքների համար մարզագույքի և մարզահագուստի ձեռքբերման նպատակով հայտարարված մրցույթներում աջակցություն ցուցաբերելով վերոնշյալ տնտեսվարողին, դրա դիմաց վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք գումար: Տնտեսվարողի կողմից գումարի մի մասը նախարարի տեղակալի վարորդին փոխանցելուց անմիջապես հետո վերջիններս բռնվել են:
Վերջիններս չեն ընդունում իրենց մեղադրանքը եւ նախաքննական մարմինը շուրջ 7 ամիս քննություն իրականացնելով քրեկան գործով կհայտարարի նախաքննության ավարտ:
Մանրամասները՝ տեսանյութում
Քնար Մանուկյան
.gif)
