Վարչապետ Նիկոլ Փաշինյանը կառավարությունում հանդիպում է ունեցել Հայաստանի արդյունաբերողների և գործարարների (գործատուների) միության անդամների հետ, որոնք ներկայացնում են տնտեսության տարբեր ոլորտներում գործունեություն ծավալող ընկերությունները:
Վարչապետը նշել էր, որ հանդիպման նպատակն է քննարկել երկրում առկա ընթացիկ տնտեսական իրավիճակը: «Պետք է ցավով արձանագրել, որ 2019 թվականի ընթացքում և այս տարվա առաջին եռամսյակում մեր ունեցած տնտեսական աճի տեմպը կորսված է, և մենք խնդիր ունենք քննարկելու, թե ինչպես ենք դուրս գալու ճգնաժամից: Կորոնավիրուսի համավարակի առաջին օրերից ինչպես բազմաթիվ երկրների, այնպես էլ մեզ համար ամենօրյա շատ դժվար ընտրություն է եղել: Կշեռքի մի նժարին եղել է առողջապահական առաջնահերթությունը, մյուս նժարին՝ տնտեսական առաջնահերթությունը:
ArmLur.am-ն այսօր զրուցել է «Անտարես» հրատարակչության տնօրեն Արմեն Մարտիրոսյանի հետ, որը հանդիպումից հետո սոցիալական ցանցի իր էջում լուսանկար էր հրապարակել եւ գրել «Դժգոհս»: Սակայն մեզ հետ զրույցում Մարտիրոսյանը ընդգծեց, թե հանդիպումը շատ լավ է անցել եւ , իհարկե, կարող էր ավելի լավ անցնել: Մարտիրոսյանի խոսքով` անդրադարձ է կատարվել ամենատարբեր թեմաների՝ սկսած գույքահարկի բարձրացումից, կրթության ոլորտից մինչև կորոնավիրուսի հասցրած վնասները։
Մանրամասները՝ տեսանյութում
Նաիրա Հովհաննիսյան, Հովսեփ Հովսեփյան
.gif)
