Քանի զորակոչիկի մոտ է ախտորոշվել կորոնավիրուս ու քանիսն են արդեն ապաքինվել

Հայաստանում  հուլիսի 1-ից սկսած, ինչ մեկնարկել է զորակոչը,  կորոնավիրուս է ախտորոշվել  30 զորակոչիկի մոտ։ Այս մասին ArmLur.am-ին հայտնել է  ՊՆ մամուլի խոսնակ Շուշան Ստեփանյանը։

Մամուլի խոսնակը նաև հայտնել է, որ արդեն ապաքինվել է  13 զորակոչիկ։ Հիվանդ զորակոչիկները մեկուսացվել են, ստանում են համապատասխան բուժում, իսկ ապաքինվելուց հետո կհամալրեն զինված ուժերը։ Զորակոչինկները թեստավորվել են վիճակահանությանը մասնակցելուց առաջ՝ արագ հակամարմիններ հայտնաբերող թեստերով։

Հավելենք, որ զորակոչը մեկնարկել է մայիս ամսից, սակայն զորակոչիկները զորամաս են մեկնում հուլիս-օգոստոս ամիսներին։