Ռոմանոս Պետրոսյանը հանդիպել է տեսչական մարմնի ղեկավարի պաշտոնակատարին

Նախարար Պետրոսյանը, մասնավորապես, անդրադարձել է բնապահպանության և շրջակա միջավայրի ոլորտներում իրավախախտումների դեմ հետևողական ու համառ պայքարի կարևորությանը՝ հավելելով, որ ինչպես ջրօգտագործման, այնպես էլ ապօրինի ձկնորսության, անտառխախտումների, շրջակա միջավայրի աղտոտման և այլ ոլորտային իրավախախտումները պետք արձանագրվեն անմիջապես և գտնվեն պատասխանատու պետական մարմինների ուղիղ ուշադրության կենտրոնում։

Նախարարը նշել է, որ երկու կառույցների միջև համագործակցությունը պետք դրվի ինստիտուցիոնալ հենքի վրա, ինչը թույլ կտա նոր մակարդակի բերել բնապահպանական քաղաքականության մշակման գործընթացը, օրենսդրական դաշտի կարգավորումն ու վարչարարության արդյունավետ իրագործումը՝ օգտագործելով օրենքով նախատեսված ողջ գործիքակազմը։