ՏԵՍԱՆՅՈՒԹ. Ինչ տեսք ունի Հրաչյա Հակոբյանի առանձնատունը. բնակիչները ջուր են «կրում», ոռոգումն էլ՝ անձրևի հույսին

ԱԺ «Իմ քայլը» խմբակցության պատգամավոր Հրաչյա Հակոբյանի նոր գնված առանձնատունն արդեն տեւական ժամանակ է՝ թեժ քննարկման առարկա է դարձել:  Հրաչյա Հակոբյանը մեզ հետ զրույցում հայտարարել էր, որ այն գնել է 25 հազար դոլարով, որը եւս հարուցել է հանրության դժգոհությունը, շատերի կարծիքով այդ գնով անհնարին է Երեւանում առանաձնատուն գնել:

Armlur.am-ը եղել է Ձորաղբյուրի 3-րդ թաղամասում, որտեղ գտնվում է իմքայլական պատգամավոր Հրաչյա Հակոբյանի առանձնատունը: Մենք զրուցել ենք պատգամավորի առանձնատան հարակից տարածքում բնակվող հարեւանի հետ, որը պատմեց, որ ոչ միայն իրենց բնակության վայրը զրկված է խմելու եւ ոռոգման ջրից, գազից այլ նաեւ ճանապարհները անմխիթար վիճակում են գտնվում, ինչի համար այդ տարածքում առանաձնատուն գնելը շատ մատչելի է, իսկ կողքի շինությունն էլ 10 հազար դոլարով կարելի է գնել: Մեր զրուցակիցը պատմել է նաեւ, որ իրենք տարիներ շարունակ ջուր են «կրում» տարբեր տեղերից, իսկ տունը ջեռուցում են փայտանյութի միջոցով, ոռոգումն էլ մնացել են անձրեւի «հույսին»:

Նշենք, որ պատգամավորի գնած տունը 500 քմ է, մեր այցելության ժամանակ այնտեղ մարդ չկար, հարեւանն էլ մեզ հայտնեց, որ այնտեղ մարդ չի բնակվում:

Մանրամասները տեսանյութում

Սոնա Գրիգորյան, Հովսեփ Հովսեփյան