Վարդենիսի համայնքապետարանից հայտնել էին, որ համայնքում կորոնավիրուսի համավարակի նոր բռնկում է սկսվել և կոչ էին արել համաքաղաքացիներին պահպանել հակահամաճարակային անվտագության բոլոր կանոնները:
Armlur.am-ը զրուցել է Վարդենիսի պոլիկլինիկայի բժիշկ Լիլիթ Գասոյանի հետ՝ պարզելու համար, թե ինչ իրավիճակ է այնտեղ այս պահին, քանի որ վերահսկողությունն իրականացվում է պոլիկլինիկայի կողմից: Հիշեցնենք նաեւ, որ բժիշկը դեռեւս ապրիլին վարակվել էր կորոնավիրուսով ու նրա դրական թեստից հետո հայտնի դարձավ, որ Վարդենիսում կորոնավիրուսի մեծ օջախ կա:
-Տիկին Գասոյան, ըստ Վարդենիսի համայնքապետարանի, վարակի նոր օջախ է բռնկվում: Խնդրում՝ եմ կասեք ի՞նչ իրավիճակ է, արդյոք կրկին վարակակիրների թիվը շատանում է քաղաքում:
–Շաբաթվա կտրվածքով, որ նայում էինք, հուլիսին ունենում էինք 22-26 հիվանդ, բայց կոնկրետ այս պահին 4 հիվանդ ունեմ:
-Այսինքն, հիվանդների թիվը չի ավելացե՞լ:
–Շաբաթվա կտրվածքով կարող եմ ասել, որ գնալով պակասում է հիվանդենրի թիվը:
-Բայց Վարդենիսի համայնքապետարանից տեղեկացրել են, որ վիրուսի նոր բռնկում կա:
–Չէ, ուղղակի ամսվա ընթացքում թաղում էր եղել Վարդենիսում, այդ ժամանակահատվածում 15 հոգի հիվանդացան, բայց իրենց արդեն էվակուացրել ենք, բուժումը կազմակերպել ենք, մոբիլիզացրել ենք ու ներկա պահին չկա նման բան: Բոլորին հետազոտել ենք, դրականներին էլ բուժումը կազմակերպեցինք: Թաղում էր եղել, մասնակցել էին ու վարակվել էին 15 հոգի, թե չէ ուրիշ բան չկա:
-Նշվում է, որ տարբեր ընտանիքներում բռնկում էվարակի, այս պահին էլ իրավիճակը գնալով վատանում է:
–Չէ, չէ, ինձ կոնկրետ, որ դիմեն, պետք է դիմեին, չկա նման բան, չեն դիմել, բռնկման մասին բան չկա, ես կրկնում եմ, որ շաբաթվա կտրվածքով նակինում ունենում էինք 20-26, հիմա այս պահին 4 հոգի ունենք, սրանք փաստեր են, որոնք ես ներկայացնում եմ: Վարդենիսը եւ կից համայնքներին հետեւում է պոլիկլինիկան, մենք նաեւ ունենք 6 ամբուլատորա, որի գործընթացը մենք ենք կազմակերպում:
-Իսկ Վարդենիսի բժիշկների շրջանում վարակակիրները շատ են, կա՞ն հիվանդներ:
–Այս պահին հիվանդների շրջանում չունենք, բոլորը վերահսկողության տակ է:
Զրուցեց ՍՈՆԱ ԳՐԻԳՈՐՅԱՆԸ
.gif)
