Օգոստոսի 26-ին, ժամը 04։00-ից մինչև 06։00-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ բացել են Րաֆֆու փողոցի 57 հասցեում գտնվող «Մխիթար Սեբաստացի» կրթահամալիրի պատուհանը եւ այնտեղից կատարել գողություն։ Այս մասին Ոստիկանություն է հայտնել կրթահամալիրի փոխտնօրենը:
Դեպքի առավել մանրամասների հետքերով` ArmLur.am-ը զրուցել է Մխիթար Սեբաստացի կրթահամալիրի տնօրեն Աշոտ Բլեյանի հետ, ում ենթադրությամբ այս դեպքը կապված է վերջին շրջանում կրթահամալիրի շուրջ տեղի ունեցեղ իրադարձությունների հետ:
«Կարծում եմ` մարդիկ, որ այսքան խոսեցին Բլեյանի դպրոցը փակում են, Բլեյանին հանում են, մտածեցին` արագ գնան, ինչ գույք կա տանեն: Դրա համար, ովքեր այդ աղմուկը բարձրացրեցին , պետք է այդ վնասը փոխհատուցեն: Նրանց պատճառած նյութական վնասը ոչ այնքան էական է, քանի որ այն, ինչ տարել են, արդեն հնամաշ էր: Արդեն տասը տարի է օգտագործման ենթարկված իրեր են, պարզապես երկու նոթբուքում մանկավարժների հետազոտական հեղինակային աշխատանքներն են եղել, եւ վերականգնել են :Այստեղ նյութական վնասն այդքան էական չէ»,-նշում նա:
Ըստ Բլեյանի` նա վստահ է, որ շուտով կհայտնաբերեն հանցագործին, քանի որ տեսախցիկները ֆիքսել են վերջինիս. «Վստահ եմ՝ կգտնեն, քանի որ ամեն ինչ տեսագրված է, հայտնի է դեմքը, ձեռագիրը, շարժ ու ձեւը հանցագործի, եւ հիմա էլ ոստիկանությունը կոնկրետ զբաղվում է: Ենթադրում ենք, որ մեկ հոգի է մտել, քանի որ պատկերների մեջ մեկ անձ է երեւում»:
Լիդա Եղիազարյան
.gif)
