ՏԵՍԱՆՅՈՒԹ. Իրավապահ համակարգը շունչ քաշելու ժամանակ չի ունեցել. շեշտակի աճ՝ մեկ տարվա ընթացքում

Ինչպես հայտնի է, 2018 թվականի թավշյա հեղափոխությունից հետո ՀՀ իրավապահ համակարգը մի շարք աղմկահարույց բացահայտումներ իրականացրեց, որի շրջանակներում նախաքննական, հետաքննական մարմինները տարբեր միջնորդություններ ներկայացրին դատարան` խուզարկություններ իրականացնելու, տարբեր անձանց ձերբակալելու, կալանավորելու: Իրավիճակը ցույց էր տալիս մեկ բան. թավշյա հեղափոխությունից հետո ՀՀ իրավական համակարգը շունչը քաշելու ժամանակ չունի եւ նախորդ տարվա համեմատ այս տարի ունենք թվի աճ: Այսպիսով, 2020 թվականի առաջին 6 ամիսների ընթացքում որքան անձի բնակարան է խուզարկվել, քանի անձի հեռախոսային խոսակցության վերծանման համար են հետաքննական եւ նախաքննական մարմինները միջնորդություն ներկայացրել դատարան: Օրինակ 2019 թվականի 6 ամիսների ընթացքում հետաքննական եւ նախաքննական մարմիների կողմից մինչդատական վարույթում կալանքը որպես խափանման միջոց ընտրելու մասով Երեւան քաղաքի ընդհանուր իրավասության դատարան է ներկայացվել 777 դիմում, որից 86-ը մերժվել է, իսկ 688-ը` բավարարվել:

Արդյունքում 280-ը բողոքարկվել է ՀՀ վերաքննիչ դատարանում: Իսկ ահա 2020 թվականի 6 ամիսների ընթացքում հետաքննական եւ նախաքննական մարմիների կողմից մինչդատական վարույթում կալանքը որպես խափանման միջոց ընտրելու մասով Երեւան քաղաքի ընդհանուր իրավասության դատարան է ներկայացվել 953 դիմում , որից 150-ը մերժվել է, իսկ բավարարվել է միայն 793: Ասել է, թե նախորդ տարվա 6 ամիսների համեմատ ունենք աճ : 105 թվով աճ: 2019 թվականի 6 ամիսների ընթացքում Երեւան քաղաքի ընդհանուր իրավասության դատարան կալանքի ժամկետը երկարացնելու միջնորդությունները եղել են 626-ը, իսկ ահա 2020 թվականին 468: Ասել է, թե իրավապահները կալաանքը երկարացնելու հարցում պասիվություն են ցուցաբերել:

Այսպիսով, 2019 թվականի առաջին 6 ամիսների ընթացքում նախաքննական եւ հետաքննական մարմինների կողմից տարբեր անձանց բնակարաններ խուզարկություն կատարելու համար Երեւան քաղաքի ընդհանուր իրավասության դատարան է ներկայացվել 2502 միջնորդություն, որից առաջին ատյանի դատարանը մերժել է 172-ը եւ բավարարել է 2293-ը: 2020 թվականի առաջին 6 ամիսների ընթացքում նախաքննական եւ հետաքննական մարմինների կողմից տարբեր անձանց բնակարաններ խուզարկություն կատարելու համար Երեւան քաղաքի ընդհանուր իրավասության դատարան է ներկայացվել 3001 դիմում , որից մերժվել է 198-ը , բավարարվել է 2751: Նախորդ տարվա նույն ժամանակահատվածի համեմատ այն ավելացել է 458-ով: 2019 թվականին հեռախոսային կամ կապի այլ միջոցներով տարվող խոսակցություների լսման եւ ձայնագրման մասին Երեւան քաղաքի ընդհանուր իրավասության դատարան է ներկայացվել 92- միջնորդություն, որից 5-ը մերժվել է, իսկ 86-ը բավարարվել է:

Իսկ ահա 2020 թվականին ներկայացվել է 82 դիմում , որից 7-ը մերժվել է, բավարարվել է 74-ը : Հեռախոսների մուտքային եւ ելքային վերծանման թույլտվություն ստանալու համար դատարան է ներկայացվել 2757 միջնորդություն, որից 44-ը մերժվել է, եւ դատարանի կողմից բավարարվել է 2652-ը: 2020 թվականին հեռախոսների մուտքային եւ ելքային վերծանման թույլտվություն ստանալու համար դատարան է ներկայացվել 3113, որից մերժվել է 86-ը, իսկ բավարարվել է 2938: Նախորդ տարվա նույն ժամանակահատվածի համեմատ ունենք 286 թվով աճ :

Մանրամասները՝ տեսանյութում

Քնար Մանուկյան