Խորհրդակցություն՝ քաղաքապետարանում. նախագծվում է Ռայնիսի 1 հասցեում վնասված հատվածի ապամոնտաժումը և շենքի ամրացումը

Երեւանի քաղաքապետ Հայկ Մարությանը աշխատանքային խորհրդակցություն է անցկացրել, որի ընթացքում քննարկվել է Յան Ռայնիսի 1 հասցեի շենքի փլուզման հետեւանքների վերացման հարցը։

Նախագծվում է վնասված հատվածի ապամոնտաժումը եւ շենքի ամրացումը, ինչպես նաեւ, քննարկվում է հեռանկարում տուժած բնակիչներին հիմնական կացարաններով ապահովելու հարցը։
Մինչ այդ, համայնքը կհոգա տուժած բնակիչների ժամանակավոր կացարանի ծախսերը։