ՏԵՍԱՆՅՈՒԹ. Գողության փորձ համալիրից. ինչ են փորձել գողանալ երիտասարդները

Վրեժ Բաբայանը, Էդիկ Յաղությանն ու Գոռ Կուրղինյանն ուրիշի գույքի խոշոր չափերով գաղտնի հափշտակություն կատարելու նախնական համաձայնություն ենձեռք բերել, սակայն այն ավարտին չեն հասցրեկ՝  իրենց կամքից անկախ հանգամանքներում:

Այսպիսով, 2020 թվականի  հունիսի 22-ին՝ ժամը 04:00-ին, նշված անձինք գնացել են Երեւան քաղաքի Ծիծեռնակաբերդի խճուղի 1-ին հասցեում գտնվող «Կարեն Դեմիրճյանի անվան մարզահամերգային համալիր», որտեղ Վրեժ Բաբայանը և Էդիկ Յաղությանը ապօրինի բարձրացել են մարզահամերգային համալիրի տանիք, մոտ 1 և կես ժամ ձեռքով քանդել-հանելու եղանակով ապամոնտաժել են խոշոր չափերով, ընդհանուր 590.400 ՀՀ դրամ արժողության 41 թիթեղ, որի ընթացքում, ըստ դերաբաշխման, Գոռ Կուրղինյանը սպասել է տարածքում և հսկել քաղաքացիների անցուդարձը՝ կողմնակի անձանց մոտենալու դեպքում՝ Վ.Բաբայանին և Է.Յաղությանին տեղեկացնելու համար:

Լույսը բացվելուն պես՝ ապամոնտաժված 41 թիթեղները թողել են տանիքում և հեռացել՝ հանցավոր արարքը չբացահայտվելու, հետագայում առավել բարենպաստ պայմաններում ապամոնտաժված թիթեղները հափշտակելու, այդ կերպ պլանավորած հանցանքն ավարտին հասցնելու նպատակով:

Այդ նպատակով՝ 2020 թվականի հունիսի 24-ին՝ ժամը 03:00-ի սահմաններում, նրանք  վերադարձել են «Կարեն Դեմիրճյանի անվան մարզահամերգային համալիր», որտեղ Բաբայանը և Կուրղինյանը բարձրացել են տանիք, իսկ .Յաղությանը սպասել է տարածքում, սակայն նույն պահին վերջիններս բռնվել են ՀՀ ոստիկանության աշխատակիցների կողմից, այսպիսով՝ իրենց կամքից անկախ հանգամանքներով չեն կարողացել ավարտին հասցնել հանցավոր՝ ուրիշի գույքի խոշոր չափերով գաղտնի հափշտակությունը:

Նրանց  մեղադրանք է առաջդրվել ՀՀ քրեական օրենսգրքի 34-177-րդ մաս 2-րդ Կետ 1-ին, 2-րդ գողության փորձ , որը կատարվել է մի խումբ անձանց կողմից պատժվում է տուգանքով` նվազագույն աշխատավարձի հինգհարյուրապատիկից հազարապատիկի չափով, կամ ազատազրկմամբ` երկուսից հինգ տարի ժամկետով: Վերջիններիս նկատմամբ խափանման միջոց է ընտրվել ստորագրությամբ երկրից չհեռանալու մասին , իսկ ահա գործը քննելու է Երևան քաղաքի ընդհանուր իրավասության դատարանի դատավոր Տաթեւիկ Գրիգորյանը, որը պատուհանին ամիսներ առաջ կրակել էին, իսկ ահա իրավապահներն այդպես էլ չկարողացան բացահայտել, թե ով կամ ովքեր գնացին այդ քայլին:

Մանրամասները՝ տեսանյութում

Ք.Մ.