Իդլիբում մահացել է թուրք գեներալ Էրդողանը

Սիրիայի Իդլիբ նահանգում թուրք գեներալ է մահացել: Ermenihaber-ի փոխանցմամբ՝ այս մասին հայտարարել է Թուրքիայի պաշտպանության նախարարությունը:

Հաղորդագրության մեջ նշվում է, որ «գեներալ մայոր Սեզգին Էրդողանի ինքնազգացողությունը վատացել է հենց ծառայության ընթացքում»:

Նշվում է, որ գեներալը տեղափոխվել է հիվանդանոց, սակայն բժիշկներին չի հաջողվել փրկել նրա կյանքը:

Էրդողանի մահվան մասին այլ մանրամասներ չեն հաղորդվում: