Ֆուտբոլիստ Էդգար Մալաքյանի կալանավորման որոշման դեմ բողոք է ներկայացվել ՀՀ վերաքննիչ դատարան: Այս մասին ArmLur.am-ի հետ զրույցում հայտնեց Էդգար Մալաքյանի պաշտպան Գոռ Միքայելյանը: Հիշեցննեք, որ Երևանի ընդհանուր իրավասության դատարանը, դատավոր Դավիթ Հարությունյանի նախագահությամբ, մերժել է ֆուտբոլիստ Գոռ Մալաքյանին կալանավորելու վերաբերյալ քննիչի միջնորդությունը։ Իսկ ահա քննիչի ՝ Գոռ Մալաքյանի եղբորը՝ Էդգար Մալաքյանին կալանավորելու վերաբերյալ մյուս միջնորդությունը բավարարել էր:
Նշենք, որ Գոռ Մալաքյանը «Փյունիկ» ֆուտբոլային ակումբի ֆուտբոլիստ է, իսկ նրա եղբայրը խաղում է Երևանի «Արարատում»։ Ֆուտբոլիստ եղբայրներին մեղադրանք է առաջադրվել՝ ՀՀ ՔՕ 316-րդ հոդվածի (իշխանության ներկայացուցչի նկատմամբ բռնություն գործադրելը) 1-ին մասով և 258-րդ հոդվածի (խուլիգանություն) 3-րդ մասի 1-ին և 2-րդ կետերով: Քննչական կոմիտեի հաղորդագրության համաձայն, նրանք վրդովվել են իրենց արված դիտողությունից, հնչեցրել են հայհոյանքներ և բռնություն գործադրել քննիչների նկատմամբ՝ ձեռքերով և ոտքերով հարվածներ հասցրել նրանց մարմնի տարբեր մասերին՝ պատճառելով մարմնական վնասվածքներ:
Մանրամասները՝ տեսանյութում
Ք. Մ
.gif)
