Ուկրաինայի նախագահ Վլադիմիր Զելինսկու «Ժողովրդի ծառա» կուսակցությունից Գերագույն Ռադայի պատգամավոր Լյուդմիլա Մարչենկոյի հայտարարությունը մեծ աղմուկ բարձրացրեց: Նա հայտարարել էր, թե Ուկրաինան պատրաստ է բոլոր հարթակներում աջակցել Ադրբեջանին: Պատգամավորի հայտարարությունից հետո կրկին սկսվեց խոսվել հայ-ուկրաինական հարաբերությունների մասին, դիվանագիտության ձախողման մասին:
Սակայն պատգամավորի հայտարարությունից կարճ ժամանակ հետո Ուկրաինայի տարբեր պաշտոնյաներ սկսեցին հերքել իրենց պատգամավորի հայտարարությունները: Եվ այդ հերքումները եղան բարձր մակարդակով. մասնավորապես, Ուկրաինայի ներքին գործերի նախարար Արսեն Ավակովը հերքել է Լեռնային Ղարաբաղի հակամարտության հարցում Բաքվին աջակցություն տրամադրելու հայտարարություններն եւ ավելին, դեղահաբեր ընդունելու խորհուրդ տվել դրա հեղինակին:
Մասնավորապես, Ավակոնը նշել է, թե Ուկրաինան ռազմական օգնություն չի տրամադրի Լեռնային Ղարաբաղի հակամարտության կողմերից որևէ մեկին: Ավելի ուշ հերքում տարածեց նաև պատգամավորը՝ ասելով, թե սխալ է ներկայացվել իր խոսքը:
Նկատենք սակայն, որ նույն պատգամավորն առաջին անգամ չէ, որ ամեն դեպքում հանդես է գալիս հակահայկական հայտարարություններով:
.gif)
