ԱԹՍ-ներն ընկել էին Սոթք և Նորապատ համայնքների հարակից տարածքներում. ինչ իրավիճակ է

Երեկ հակառակորդի կողմից արձակված ԱԹՍ-ներն ընկել են Սոթք եւ Նորապատ համայնքների հարակից տարածքներում: Այս մասին ArmLur.am-ի հետ զրույցում հայտնեց Գեղամասար համայնքի ներկայացուցիչ Հակոբ Ավետյանը:

«Ժողովրդի մոտ ոչ մի խուճապային տրամադրություն չկա, այլ հակառակը, բոլորս մարտական ենք տրամադրված: Ժողովուրդն ավելի է ուժեղացել, եւ բոլորս պատրաստ ենք կռվել հանուն մեր հայրենիքի»,-ասաց մեր զրուցակիցը:

Հիշեցնենք, որ  երեկ  ՀՀ Պաշտպանության նախարարությունից հայտնել էին, որ խոցվել է հակառակորդի 7 ԱԹՍ․

«Այսօր ժամը 19:30-ից 21:20-ն ընկած ժամանակահատվածում ՀՀ Վարդենիսի տարածաշրջանում խոցվել է հակառակորդի 7 ԱԹՍ»,-հայտնել էր ՊՆ խոսնակը:

Լիդա Եղիազարյան