Արցախա-ադրբեջանական հակամարտության գոտում հոկտեմբերի 14-ի լույս 15-ի գիշերվա ընթացքում հարաբերական կայուն լարվածությունը պահպանվել է: Այս մասին հայտնում է ՀՀ Պաշտպանության նախարարի մամուլի խոսնակ Շուշան Ստեփանյանը։
«Առավոտյան հյուսիսային և հարավարևելյան ուղություններով հակառակորդը վերսկսել է հրետանային ակտիվ կրակը»,-տեղեկացնում է Ստեփանյանը։ Արցախի պաշտպանության նախարարությունը տեղեկացնում է, որ ՊԲ ստորաբաժանումները շարունակում են վերահսկողության տակ պահել օպերատիվ-մարտավարական իրադրությունը և քայլեր են ձեռնարկում թշնամական ուժերին նոր կորուստներ հասցնելու ուղղությամբ», – ասված է հայտարարության մեջ:
Արցախի և Ադրբեջանի շփման գծում հոկտեմբերի 14-ին տեղի ունեցած ռազմական գործողությունների ընթացքում Ադրբեջանի կորուստները որոշ տեղերում գերազանցել են պատերազմի առաջին օրերի իրենց կորուստները։ ՀՀ ՊՆ ներկայացուցիչ Արծրուն Հովհաննիսյանի խոսքով, գրեթե առանց զրահատեխնիկայի, շատ խիտ հրետանային կրակի տակ ադրբեջանական զորքը մեծ խտության շարասյուններով, անդադար գրոհել են մեր մի քանի մարտական դիրքերը։ Սակայն կրելով չափազանց շատ կորուստներ հետ են շպրտվել առանց որևէ հաջողության։ Որոշ տեղերում ադրբեջանական կորուստները գերազանցում են անգամ առաջին օրերի իրենց կորուստները:
Մանրամասները՝ տեսանյութում
.gif)
