ArmLur.am-ը գրել էր, որ «Արմավիր» քրեակատարողական հիմնարկի 142 դատապարտյալ եւ կալանավոր պատրաստվում են կտրուկ քայլերի դիմել: «Ժողովուրդ» օրաթերթի հետ զրույցում «Արմավիր» քրեակատարողական հիմնարկի 4-րդ մասնաշենքի 36 խցի դատապարտյալ Հրայր Հունանյանը, որը մասնակցել է նաեւ 2016 թվականին տեղի ունեցած ապրիլյան պատերազմին, հայտնեց.
«Բոլոր կալավորներով, մի մարդու պես մեր դոշակները, վերմակները խցերից հանելու ենք դուրս, հրաժարվելու ենք սնունդից, քանի որ տեսնելով մեր երկրի վիճակը՝ շատ ենք տանջվում: Դիմումներ ենք գրել 10 օր առաջ, որ պատրաստ ենք գնալ կռվել, մեզ մի՛ ազատեք, այլ տարեք ռազմաճակատ կռվենք, ոչ մի ձայն, ոչ մի բանի տեղ չեն դնում։ Մենք այդ հացը ո՞նց ուտենք , որ մեր տղերքը զոհվում ու վիրավորվում ենե:
Հիշեցնենք, որ «Ժողովուրդ» օրաթերթը գրել էր, որ քրեակատարողական հիմնարկներում ռազաճակատ գնալու համար կալանավորների դիմումների թիվը անցնում է 300-ից: «Ժողովուրդ» օրաթերթին ՔԿԾ մամուլի ծառայությունից հայտնել էին, որ դիմումներ կան, սակայն այլ մանրամասներ չէին ցանկացել հայտնել: Ստեղծված իրավիճակի շուրջ զրուցել էինք ՀՀ քննչական կոմիտեի նախագահի տեղակալ Արթուր Մելիքյանի հետ, ով նշել էր, որ կալանավորների դիմումներն ՀՀ արդարադատության նախարարությունը ուղարկել է ՀՀ գլխավոր դատախազություն: Եվ ահա այսօր «Ժողովուրդ» օրաթերթի խմբագրություն են դիմել «Նուբարաշեն» քրեակատարողական հիմնարկի 41 խցի կալանավորներն ու դատապարտյալները եւ կոչով դիմում էին ՀՀ վարչապետ Նիկոլ Փաշինյանին:
.gif)
