Ռուսաստանի իշխանությունները բոլոր հարթակներից հայտարարում են, որ կարողացել են դադարեցնել ղարաբաղյան պատերազմը։ Ռուսաստանի նախագահ Վլադիմիր Պուտինը այսօր Շանհայի համագործակցության կազմակերպության անդամ (ШОС) երկրների ղեկավարների հանդիպմանն ունեցած իր ելույթում հույս է հայտնել, որ Ղարաբաղում երկարատև խաղաղություն կհաստատվի, և որ այն, ինչ կատարվում էր Ղարաբաղում, մեծ ողբերգություն էր։ «Մեծ բավականությամբ ցանկանում եմ նշել նախանշված փոխզիջումներով ու ձեռք բերված համաձայնություններով արյունահեղությունը դադարեցնելու մասին։ Հուսով եմ` վերջին շրջանում մեր ձեռնարկած բոլոր քայլերը կհանգեցնեն երկարատև խաղաղության հաստատմանը՝ ի բարօրություն Ադրբեջանի և Հայաստանի ժողովուրդների», – այսօր հայատարարել է Պուտինը:
«Այս պահին մենք շարունակում ենք ելնել միջազգային իրավունքի բոլոր համապատասխան հիմնական ակտերից։ Առաջին հերթին խոսքը ՄԱԿ-ի Անվտանգության խորհրդի համապատասխան բանաձևերի և այլ փաստաթղթերի մասին է», – այս պատասխանն է տվել Ռուսաստանի նախագահի մամուլի քարտուղարը Լեռնային Ղարաբաղի կարգավիճակի մասին հարցին։ Դմիտրի Պեսկովը նաև հավելել է, որ Կրեմլը երեկ գիշերը ստորագրված հայտարարությունը համարում է երկու երկրների ժողովուրդների հաղթանակը` և՛ Ադրբեջանի, և՛ Հայաստանի, որովհետև կանգ է առել պատերազմը։
Հավելենք, Անկարան խոսում է այն մասին, որ խոսքը ոչ թե ռուս խաղաղապահների մասին է, այլ ռուս-թուրքական, Մոսկվան էլ սա փաստորեն հերքում է։ Ամեն դեպքում ռուս խաղաղապահներն արդեն Հայաստանում և Ղարաբաղում են։
Մանրամասները՝ տեսանյութում:
.gif)
