Հայաստանի արտգործնախարար Արա Այվազյանը Ռուսաստանի արտգործնախարար Սերգեյ Լավրովի հետ հանդիպման ժամանակ ընդունել է առաջիկայում աշխատանքային այցով Մոսկվա մեկնելու նրա հրավերը: Այս մասին հայտնում է ՀՀ ԱԳՆ մամուլի ծառայությունը:
«Հայաստանի և Ռուսաստանի Դաշնության արտգործնախարարները կարևորել են երկու երկրների միջև երկխոսության դինամիզմի և ինտենսիվության պահպանումը` ներառյալ փոխայցելությունները: Նախարար Այվազյանն ընդունեց Ռուսաստանի արտգործնախարար Սերգեյ Լավրովի հրավերը մոտ ժամանակներս աշխատանքային այց կատարելու Մոսկվա », – ասացին ՀՀ ԱԳՆ-ից:
Նշվում է, որ հանդիպման ընթացքում գերատեսչությունների ղեկավարները մտքեր են փոխանակել երկկողմ և տարածաշրջանային օրակարգի մի շարք հարցերի շուրջ:
Նշենք, որ նոյեմբերի 18-ին, Հայաստանի նախագահ Արմեն Սարգսյանի հրամանագրով Արա Այվազյանին նշանակել է Հայաստանի արտաքին գործերի նախարար: Նոյեմբերի 16-ին Զոհրաբ Մնացակյանը աշխատանքից ազատման դիմում էր ներկայացրել։
.gif)
