Ղարաբաղում ականի պայթյունի հետևանքով ռուս սպա է մահացել։ Տեղեկությունը հայտնում է ՌԻԱ Նովոստին` հղում անելով ՌԴ պաշտպանության նախարարությանը:
«Ականազերծման միջազգային կենտրոնի ականազերծման խմբի սպան ծանր վնասվածքներ է ստացել Շուշիի շրջանում ճանապարհային հատվածի ականազերծում իրականացնելիս»,– նշված է հաղորդագրության մեջ։
Զինծառայողին շտապ բուժօգնություն է ցուցաբերվել, բայց սպան մահացել է հոսպիտալ տեղափոխելու ճանապարհին:
ՌԴ ՊՆ–ն հայտնում է, որ զինծառայողի ընտանիքին կտրամադրվի բոլոր հնարավոր և անհրաժեշտ օգնությունն ու աջակցությունը։
.gif)
