Արցախի նախագահ Արայիկ Հարությունյանը ստորագրել է հրամանագրեր նոր նշանակումների և ազատումների մասին: Հրամանագրերի համաձայն՝ Արարատ Օհանջանյանն ազատվել է առողջապահության նախարարի պաշտոնից, նրան այդ պոշտոնում կփոխարինի Միքայել Հայրիյանը:
Կամո Աղաջանյանը նշանակվել է Հայաստանում Արցախի նախագահի ներկայացուցիչ՝ հատուկ հանձնարարությունների գծով՝ ազատվելով Արցախի ազգային անվտանգության ծառայության տնօրենի պաշտոնից: Աշոտ Հակոբջանյանը նշանակվել է Արցախի նախագահի ներկայացուցիչ՝ հատուկ հանձնարարությունների գծով՝ ազատվելով ոստիկանության պետի պաշտոնից: Սեփական դիմումների համաձայն՝ աշխատանքից ազատվել են նախագահի խորհրդականներ Ռուզաննա Սարգսյանը, Էմիլ Բաբայանը և Կարեն Ներսիսյանը:
Մինչ այս այլ փոփոխություններ ևս եղել էին: Մասնավորապես, Արցախի նախագահի հրամանագրով՝ տարածքային կառավարման և ենթակառուցվածքների նախարարությունը կղեկավարի ԱԺ նախկին պատգամավոր Հայկ Խանումյանը:
Կառավարության կառուցվածքային փոփոխությունների արդյունքում Արցախը 13 նախարարության փոխարեն կունենա 11-ը, պետական որոշ մարմիններ կմիացվեն, որոշները՝ ընդհանրապես կլուծարվեն:
Մանրամասները՝ տեսանյութում:
.gif)
