Չինաստանի իշխանությունները թույլատրել են կորոնավիրուսի դեմ սեփական արտադրության առաջին պատվաստանյութի սահմանափակ առևտրային օգտագործումը: Այս մասին տեղեկացնում է «Սինխուա» գործակալությունը:
«Պատվաստանյութը, որը ստացել է բժշկական արտադրանքի վարչության հաստատումը, մշակվել է Sinopharm-ի հետ կապված Պեկինի կենսաբանական արտադրանքի ինստիտուտի կողմից»,- ասված է զեկույցում:
Նշվում է, որ այս պատվաստանյութի կլինիկական փորձարկումների երրորդ փուլի միջանկյալ արդյունքները ցույց են տվել դրա արդյունավետությունը COVID-19-ի նկատմամբ 79,34%-ով, ինչը համապատասխանում է ԱՀԿ-ի չափանիշներին:
Այս պատվաստանյութն առաջինը պաշտոնապես հաստատած երկիրը ԱՄԷ-ն էր, որտեղ արդեն սկսվել է պատվաստումը: Բացի այդ, այս պատվաստանյութը հաստատվել է Բահրեյնի իշխանությունների կողմից:
.gif)
