Խոզնավար գյուղի տներից մեկում հրդեհ է բռնկվել

Սյունիքի մարզի Խոզնավար գյուղի տներից մեկում այսօր՝ հունվարի 21-ին հրդեհ է բռնկվել։

ԱԻՆ-ը տեղեկացնում է, որ ժամը 13:20-ին Սյունիքի մարզային ճգնաժամային կառավարման կենտրոն ահազանգ է ստացվել, որ Խոզնավար գյուղում այրվում է տուն:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է երկհարկանի տանը (160 քմ)։

Հրդեհը մեկուսացվել է ժամը 16:01-ին, մարվել` 20:43-ին։ Այրվել է տան 120 քմ հատվածը։